लिमासोल, साइप्रस। ‘नागरिक बोली अनलाइन गायन प्रतियोगिता’ अब आफ्नो अन्तिम र निर्णायक चरणमा प्रवेश गरेको छ । डिजिटल प्रतिस्पर्धाबाट उत्कृष्ट ५ मा पर्न सफल भएका समीर भट्टराई, दुर्गा कार्की, निशा विश्वकर्मा, डोल्मा योल्मो र मिङ्मार दोर्जे लामाबीच अब उपाधिका लागि अन्तिम प्रतिस्पर्धा हुनेछ ।

फाइनलका लागि नयाँ नियम र प्रक्रिया

फाइनलमा प्रवेश गरेका यी पाँचै जना प्रतिस्पर्धीहरूले अब निर्णायक मण्डल (Jury Panel) ले दिएको गीतमा आफ्नो प्रस्तुति दिनुपर्नेछ। प्रतियोगीहरूले सोही गीतलाई ट्रयाकमा गाएर आयोजकलाई पठाउनुपर्ने नियम तय गरिएको छ।

यसरी छानिनेछन् विजेता (५०/५० को मापदण्ड):

प्रतियोगिताको विजेता घोषणा गर्न यसपटक दुईवटा मुख्य आधारहरू तय गरिएको छ:

• निर्णायक मण्डलको भूमिका (५० अङ्क): अन्तिम निर्णयका लागि वरिष्ठ कलाकारहरू तुलसी सिवाकोटी, धिराज राई र साहिमा श्रेष्ठ सम्मिलित ‘ज्युरी प्यानल’ को मूल्याङ्कनलाई ५० प्रतिशत भार दिइनेछ।
• सामाजिक सञ्जालको नतिजा (५० अङ्क): बाँकी ५० प्रतिशत अङ्क सामाजिक सञ्जालको प्रतिक्रियाबाट प्राप्त हुनेछ। यसपटकको अनलाइन मूल्याङ्कनमा टिकटकमा प्राप्त लाइक (Like), रिपोस्ट (Repost) र भ्यूज (Views) लाई मात्र गणना गरिने आयोजकले जनाएको छ। यस विधिमा सबैभन्दा धेरै (Highest) स्कोर ल्याउनेलाई आधार (Benchmark) मानिन्छ। यसको विस्तृत विभाजन यस प्रकार छ:

क. भ्यूज (Views) – भार २० अङ्क

यसमा सबैभन्दा धेरै भ्यूज ल्याउने प्रतिस्पर्धीले सिधै २० अङ्क पाउँछन्। अन्य प्रतिस्पर्धीको अङ्क निकाल्न तलको सुत्र प्रयोग गरिन्छ:

• सुत्र: (प्रतियोगीको कुल भ्यूज ÷ सबैभन्दा धेरै भ्यूज) × २०
• उदाहरण: यदि ‘प्रतियोगी A’ को भ्यूज १,००,००० (सबैभन्दा धेरै) छ भने उसले २० अङ्क पाउँछ। यदि ‘प्रतियोगी B’ को भ्यूज ५०,००० छ भने उसले (५०,००० ÷ १,००,०००) × २० = १० अङ्क पाउँछ।

ख. लाइक (Like) – भार २० अङ्क

सबैभन्दा धेरै लाइक पाउनेले २० अङ्क पाउनेछन्। अन्यको हकमा पनि सोही अनुपात लागू हुनेछ।

• सुत्र: (प्रतियोगीको कुल लाइक ÷ सबैभन्दा धेरै लाइक) × २०
• उदाहरण: यदि सबैभन्दा धेरै लाइक १०,००० छ भने उसले २० अङ्क पाउँछ। ५,००० लाइक पाउनेले १० अङ्क पाउँछ।

ग. रिपोस्ट (Repost) – भार १० अङ्क

यसमा धेरै रिपोस्ट गर्नेलाई १० अङ्क दिइन्छ।

• सुत्र: (प्रतियोगीको कुल रिपोस्ट ÷ सबैभन्दा धेरै रिपोस्ट) × १०
• उदाहरण: यदि सबैभन्दा धेरै रिपोस्ट १,००० छ भने उसले १० अङ्क पाउँछ। ५०० रिपोस्ट हुनेले ५ अङ्क पाउँछ।

उत्कृष्ट १० को नतिजा यस्तो छ:

‘टप ५’ मा पर्न सफल सम्पूर्ण प्रतियोगीहरूलाई हार्दिक बधाई दिँदै, आगामी फाइनल यात्राका लागि उहाँहरूले ज्युरीले तोकेको गीतमा कस्तो जादु छर्ने हुन् भन्नेमा सबैको चासो बढेको छ।