यो जितसँगै नेपालले प्रतियोगितामा लगातार चौथो जित दर्ता गरेको छ । यसअघि नेपालले सिंगापुर, कुवेत र हङकङलाई हराएको थियो ।
फागुन १६ , काठमाडौँ
संयुक्त अरब इमिरेट्स (युएई)मा जारी आईसीसी यू–१९ पुरुष विश्वकप एसिया छनोट प्रतियोगिताअन्तर्गत आज भएको खेलमा नेपालले मलेसियालाई १० विकेटले पराजित गरेको छ ।
यो जितसँगै नेपालले प्रतियोगितामा लगातार चौथो जित दर्ता गरेको छ । यसअघि नेपालले सिंगापुर, कुवेत र हङकङलाई हराएको थियो ।
युएईको मलेका क्रिकेट रंगशालामा आज भएको खेलमा नेपालले ७३ रनको लक्ष्य ९ ओभरमा बिना विकेट गुमाएर पुरा गरेको हो । नेपालका दुवै ओपनर नटआउट भए । दीपक बोहराले ३८ रन बनाए भने अर्जुन कुमालले २१ रन बनाए ।
टस जितेर पहिले ब्याटिङ गरेको मलेसियाले ३५.३ ओभरमा सबै विकेट गुमाएर ७२ रन बनाएको थियो ।
अक्रम मलेकले २६ रन बनाए भने मोहम्मद ह्यारिसन र मोहम्मद स्याहिर स्यामिलले १२/१२ रन बनाए ।
नेपालका दीपेश कँडेलले ४ विकेट लिए भने मलेसियाका आकाश चन्दले २ तथा मिलन बोहरा र सुवास भण्डारीले एक विकेट लिए ।
नेपालले आफ्नो अन्तिम खेल मार्च २ मा युएईसँग खेल्नेछ ।
