काठमाडौं, माघ १४
भौतिक पूर्वाधार तथा यातायात मन्त्रालयले सवारी प्रदुषण, सवारी साधनको सुरक्षा र दुर्घटना न्यूनीकरण अध्ययन गर्न कार्यदल गठन गरेको छ ।
कार्यदलको उद्देश्य देशको सार्वजनिक यातायातको वर्तमान अवस्था सुधार गर्ने योजना ल्याउनु हो।
उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठले सात सदस्यीय कार्यदलको संयोजकमा पूर्वसचिव शरदचन्द्र पौडेललाई नियुक्त गरेका छन् ।
कार्यदलमा पूर्व अतिरिक्त प्रहरी महानिरीक्षक विज्ञानराज शर्मा, पुल्चोक इन्जिनियरिङ कलेजका प्राध्यापक पद्मबहादुर शाही, यातायात विज्ञ मधु सुदन आचार्य र इन्जिनियर विजय गौतम रहेका छन् ।
यातायात व्यवस्था विभागका महानिर्देशक कार्यदलको सदस्य सचिव हुन् जसमा नेपाल यातायात व्यवसायी राष्ट्रिय महासंघका अध्यक्ष वा प्रतिनिधि सदस्य रहनेछन् ।
