जापान । नेपाली मौलिक कला, संस्कृति, भेषभूषा, भाषा तथा खानाको संरक्षण र प्रवर्धन गर्ने उद्देश्यले जापानको कन्साई क्षेत्रमा ‘नेफिन सांस्कृतिक महोत्सव कान्साई २०२६’आयोजना हुने भएको छ।
नेपाल आदिवासी जनजाति महासंघ, जापान क्षेत्रीय समिति कन्साईको आयोजनामा आगामी सेप्टेम्बर १८ र १९ तारिख दुईदिने सांस्कृतिक महोत्सव आयोजना हुन लागेको हो।
महोत्सव ह्योगो प्रिफेक्चरको अमागासाकी सिटीस्थित कान्दा नाकादोरी १–४ मा आयोजना हुनेछ। दुवै दिन बिहान ११ बजेदेखि साँझ ६ बजेसम्म सञ्चालन हुने महोत्सवमा प्रवेश निःशुल्क रहने आयोजकले जनाएको छ।
