दशैं–तिहार विशेष: भान्से धमाका २ साइप्रसमा, गायक तुलसी सिवाकोटीको साथमा

साइप्रसस्थित नेपाली समुदायले यस वर्षको दशैंलाई विशेष बनाउन “भान्से धमाका २” आयोजना गर्न लागेको छ। International Nepalese Chef Society Cyprus को दोस्रो प्रस्तुति अन्तर्गत हुने यो कार्यक्रममा संगीत, स्वादिलो खाना, संस्कृति र टीका–जमराको संगम हुनेछ।

🎤 तुल्सी शिवाकोटीको विशेष प्रस्तुति

लोकप्रिय गायक तुल्सी शिवाकोटी यस कार्यक्रममा विशेष प्रस्तुति दिन साइप्रस आउने भएका छन्। दशैंको माहोलमा उनका चर्चित गीतहरूले कार्यक्रमलाई अझै रोचक बनाउने अपेक्षा गरिएको छ।

कार्यक्रम विवरण

मिति: आइतबार, ५ अक्टोबर २०२५
स्थान: Trikkis Palace, Limassol, Cyprus
समय: बिहान १० बजे
टिकट मूल्य: €20

🎤 को हुन् त तुलसी शिवाकोटी?

१६ वर्षअघि परदेश पसेका झापाका तुलसी शिवाकोटी अहिले युरोपभर चर्चित गायक बनेका छन्।
सन् २००९ मा रोजगारीको सिलसिलामा इजरायल पुगेका उनी अहिले जर्मनीको ह्यामबर्गमा बस्छन् र गायनमा सक्रिय छन्।

🎶 संगीत यात्रा

स्कुले जीवनदेखि नै गीत–संगीतप्रति आकर्षित तुलसीले २०१३ मा स्पेनमा रहँदा पहिलो गीत रेकर्ड गरे।
अहिलेसम्म उनले ४० भन्दा बढी गीत रेकर्ड गरिसकेका छन्।
नेपाली चलचित्र फिक्का को शीर्ष गीतमा पनि उनको स्वर सुन्न सकिन्छ।
आफ्नै गीति एल्बम मुहार बजारमा ल्याइसकेका छन्।

🌍 विदेशबाटै सांगीतिक योगदान

दैनिक ८ घण्टा रेष्टुरेन्टमा कुकको काम गर्दै आएका तुलसीले गीत–संगीतलाई निरन्तरता दिइरहेका छन्।

उनले जर्मनीमा घरमै करिब ५ हजार यूरोको लगानीमा मिनी स्टुडियो बनाएका छन्।
गीत रेकर्डिङ आफैं गरेर नेपाल पठाउँछन्, जहाँ सम्पादन र भिडियो निर्माण हुन्छ।
पछिल्लो समय उनको गीत अन्त नसरे लोकप्रिय बन्दै गएको छ, र उनले बेला बेलामा तथा परदेशीको तीज जस्ता गीत बजारमा ल्याएका छन्।

🎤 प्रस्तुतिहरू

तुलसीले बेलायत, जर्मनी, स्विजरल्यान्ड लगायत युरोपका धेरै देशमा सांगीतिक प्रस्तुति दिइसकेका छन्।

पोर्चुगल, फ्रान्स र डेनमार्कबाहेक सबै देशमा उनले मञ्च पाइसकेका छन्।
आगामी दिनमा पोल्यान्ड, साइप्रस र जेनेभा (स्विजरल्यान्ड) मा हुने कार्यक्रमहरूमा पनि उनको सहभागिता रहनेछ।
उनी नेपाली समुदायका सांस्कृतिक कार्यक्रममा विशेष मागमा रहने गायक मानिन्छन्।