एमालेका रघुजी पन्तले सन् १९५० को शान्ति तथा मैत्री सन्धिलाई भारतले पुनरावलोकन गर्न अस्वीकार गरे नेपालले त्यसबाट बाहिरिनुपर्ने बताएका छन् ।
काठमाडौँ, बैशाख १६
नेकपा एमालेले प्रधानमन्त्री पुष्पकमल दाहालको आसन्न भारत भ्रमणबारे संसदमा छलफल गर्न माग गरेको छ । नेपाल र भारत दुवै सरकारले भ्रमणको मिति घोषणा नगरे पनि मंगलबार संसदमा बोल्दै नेकपा एमालेका सांसद रघुजी पन्तले भ्रमणबारे विस्तृत छलफल गर्न माग गरेका छन् ।
प्रधानमन्त्रीको भ्रमणको आन्तरिक तयारी भइरहेको र उच्चस्तरमा छलफल गर्नुपर्ने धेरै विषय रहेकाले एजेण्डा तय गर्न परराष्ट्र मन्त्रालयले मन्त्रालयसँग परामर्श गरिरहेको अधिकारीहरुले बताएका छन् । तर केही प्राविधिक कारणले भ्रमणको मिति तय हुन बाँकी रहेको उनीहरुले बताए ।
‘प्रधानमन्त्री अप्रिलमा भारत भ्रमणमा जादैछन भन्ने हामीले सुनेका थियौं, तर सरकारले संसदलाई जानकारी गराएको छैन र सञ्चारमाध्यमको सेकेन्ड ह्यान्ड सूचनामा भर पर्नुपरेको छ,’ पन्तले गुनासो गरे, ‘उहाँलाई सम्मानपूर्वक निमन्त्रणा गरियो भने उहाले भ्रमण गर्नुपर्छ र यसलाई फलदायी बनाउन प्रयास गर्नुपर्छ।”
