काठमाडौं, माघ २३

प्रधानमन्त्री पुष्पकमल दाहालले नेकपा माओवादी केन्द्रका नेता हरिबोल गजुरेललाई आफ्नो प्रमुख राजनीतिक सल्लाहकारमा नियुक्त गरेका छन् ।

केही सातादेखि प्रस्ताव विचाराधीन रहे पनि प्रधानमन्त्री दाहालले उनलाई हालै उक्त पदमा नियुक्त गरेको गजुरेल बताउँछन् ।

गजुरेलले माओवादी केन्द्रका अध्यक्षलाई सल्लाहकारको सट्टा पार्टीको कुनै जिम्मेवारी दिन माग गरेपछि उनले उक्त प्रस्ताव अस्वीकार गर्दै आएका थिए ।

यसअघि गजुरेल गृह जिल्ला सिन्धुलीबाट प्रतिनिधिसभाको निर्वाचनमा उम्मेदवार बन्न इच्छुक थिए तर पार्टीले उनलाई मौका दिएन । त्यसपछि उनले दाहाललाई विरोध पत्र लेखे ।